‎البداية كانت في أمريكا .. في سبعينات القرن الماضي .. لما إد أندرسون اخترع مكينة تصنع الـ ميني دونتس .. ومنو ما يحب الدونتس صح؟ .. علشان جذي لما بدا إد مشروع العربات المتنقلة لبيع الدونتس مع عايلته حقق نجاح كبير ، وهالنجاح خلاه يتوسع ويؤسس شركة ليل اوربتس لتصنيع مكينة الميني دونتس وعرف بشطارته شلون يستثمر اختراعه صح .. وعلى طاري الشطارة سمع عن هالمكينة العجيبة رجل أعمال كويتي شاطر في رحلة عمل بألمانيا ، شدته الفكرة وايد وقال : ليش ما تكون عندنا بالكويت؟ ، وفعلا ما تأخر ، طار إلى مقر الشركة الرئيسي في منيابوليس – مينيسوتا في أمريكا واجتمع بمؤسس الشركة إد أندرسون وتعلم منه كل اللي يحتاجه علشان ينقل هالتجربة الحلوة إلى الكويت بنفس المستوى والجودة ، ورجع الكويت معاه حقوق توزيع واستخدام الاسم والعلامة التجارية حصرياً ، ومن مجمع المثنى سنة ٩٥ انطلق ليل اوربتس الكويت وحقق نجاح مو طبيعي ، الناس حبوا الميني دونتس وصار هبة يعني تريند حق جيل هاليومين ، ومن كثر ما هبوا فيه العالم توزع بكل مكان مثل سوق شرق ، جمعية الرميثية هذا غير المشاركة في المناسبات الخاصة واعياد الميلاد ،فوق ١٢ سنة شارك ليل اوربتس الناس أحلى ذكرياتهم وغاب … غاب ١٣ سنة علشان يرجع أقوى وبنفس الطعم الحلو والذكريات العجيبة على ايد ابن رجل الأعمال الكويتي نفسه ، بعد ما درس المشروع عدل وبعد ما كل اللي حوله شجعوه ، تواصل مع شركة ليل اوربتس وقدر ياخذ حق استخدام الاسم والعلامة التجارية في الكويت علشان يقدم لكم الميني دونتس اللي حبيتوه بنفس الجودة والطعم الأصلي!